Қасым-Жомарт Тоқаевтың “әділ мемлекет. Біртұтас ұлт. Гүлденген қоғам.” Мемлекет басшысының жолдауы елдің болашақтағы дамуын және ертеңгі күнге бетбұрыс жасауын айқындады. Бұл барлық бағыттарды, ел тағдырын дамыту үшін маңызды. Қазақ халқының әрбір азаматының өзекті мәселелерін шешуге арналған жаңа Жолдау еліміздің дамуы мен халқымыздың өмірінде көптеген жаңалықтар болатынын көрсетті. Президент Жолдауында еліміздің саяси және әлеуметтік – экономикалық даму перспективаларына қатысты мәселелер баяндалды. Президент өткен сессияда жемісті жұмыс жүргізілгенін, атап айтқанда, 102 заң, оның ішінде қоғамдық бақылауға, адам саудасына қарсы күреске қатысты заңдар қабылданғанын және ғылым мен технология саясатын, жылу энергетикасын және басқа да мәселелерді реттейтін заңдар күшіне енгенін атап өтті.

Президент өз сөзінде елдің кадрлық әлеуетін біртіндеп арттырудың маңыздылығын атап өтті. Атап айтқанда, ол экономиканы білікті мамандармен қамтамасыз ету, бірінші кезекте су, энергетика, құрылыс және басқа да салалардағы кадрлардың байқалған тапшылығын жою, болашақта сұранысқа ие мамандықтар үшін білікті мамандар даярлау қажеттігін атап өтті. Президент атом энергетикасына, қызметтің барлық салаларында жасанды интеллект пен цифрландыруды енгізуге қажеттілік туындағанын атап өтті. Мемлекет басшысы өзінің Жолдауының басты сәті ретінде ел азаматтарын елімізге адал қызмет етуге, құрметті еңбекті орындауға, терең білім алуға және қажымай еңбек етуге шақырғанын еске салды.

Жолдауды талқылауға кафедраның ПОҚ құрамы мен «Қоғамдық денсаулық сақтау» Мектебінің 4 курс студенттері қатысты. Президент Жолдаумен кафедра меңгерушісі доцент Ж.А.Қожекенова таныстырып өтті