2025 жылғы 20–21 қарашада Дүниежүзілік денсаулық сақтау ұйымы мен Қазақстан Республикасы Денсаулық сақтау министрлігінің қолдауымен ұйымдастырылған іс-шаралар аясында оқу ісі жөніндегі проректор Калматаева Ж.А. және Қоғамдық денсаулық сақтау кафедрасының меңгерушісі Изекенова А.К. антимикробтық препараттарға төзімділік (АТП) және денсаулық сақтау жүйелерін нығайту мәселелеріне арналған екі күндік сессияларға қатысты.
20 қарашада Назарбаев Университетінің Медицина мектебінде (Астана қ.) «Денсаулық сақтау жүйелерінің тұрақтылығын қамтамасыз ету үшін антимикробтық препараттарға төзімділік саласындағы зерттеулер мен саясатты дамыту» атты конференция өтті. Іс-шара барысында антимикробтық резистенттікке қарсы күрестің заманауи ғылыми тәсілдері, халықаралық ұсынымдарды интеграциялау және АТП саласындағы саясатты стратегиялық дамыту мәселелері талқыланды.
21 қарашада Астана медициналық университетінің базасында «Антимикробтық препараттарға төзімділік: медициналық және аграрлық жоғары оқу орындарының білім беру бағдарламаларына инфекциялардың алдын алу және инфекциялық бақылау қағидаттарын енгізу» атты дөңгелек үстел өтті. Қатысушылар АТП бойынша білім беру бағдарламаларының өзін-өзі бағалау мәселелерін, сондай-ақ болашақ мамандарды даярлауда инфекциялардың алдын алу және инфекциялық бақылау қағидаттарын енгізу тәжірибесін қарастырды.
Оқу ісі жөніндегі проректор Калматаева Жанна Амантаевна баяндама жасап, антимикробтық резистенттік пен инфекциялық бақылау бойынша білім беру бағдарламаларының өзін-өзі бағалау нәтижелерін ұсынды.
Антимикробтық препараттарға төзімділік бойынша білім беру бағдарламаларын бағалау координаторы Изекенова А.К. талқылауларға қатысып, ҚазҰМУ тәжірибесімен таныстырды.
